الشروط دي بتنظّم استخدامك لموقع aimentor.pro. لما تستخدم الموقع أو تبعتلنا بياناتك من أي فورم، يبقى إنت موافق عليها.
مين إحنا
AI Mentor منصة تعليمية عربية مستقلة بتعلّمك تستخدم الـ AI في شغلك، وتبني Automation بـ n8n والـ AI Agents. الموقع فيه مقالات ومكتبة برومبتات وفيديوهات، وصفحات للكورسات اللي على Udemy.
الكورسات والشراء
كل كورسات AI Mentor على Udemy، والموقع مفيهوش دفع خالص. لما تطلب كورس من الموقع، بيوصلك لينكه على الإيميل، والشراء بيتم على Udemy.
- السعر والعروض بيتحددوا على Udemy وبيتغيروا هناك.
- الدفع والاسترداد (خلال 30 يوم) وشهادة الإتمام كلها حسب شروط وسياسات Udemy.
- الكورسات المجانية على Udemy مفيهاش شهادة إتمام، حسب سياسة Udemy.
الكوبونات ولعبة صفحة الـ 404
ممكن يوصلك كوبون خصم على Udemy مع لينك الكورس، أو لما تكسب في لعبة صفحة الـ 404. الكوبون بيشتغل لحد التاريخ المكتوب في الإيميل، وبعدها بيخلص حسب Udemy.
كوبون اللعبة لشخص واحد بإيميل واحد: لو كسبت تاني بنفس الإيميل، بيوصلك لينك الكورس العادي. وممكن نوقف اللعبة أو نغيّر الجايزة في أي وقت.
المحتوى والبرومبتات
المقالات والبرومبتات والفيديوهات والتصميمات اللي على الموقع ملك AI Mentor.
- تقدر تنسخ البرومبتات وتستخدمها في شغلك ومشاريعك بحرية.
- لو حبيت تنقل جزء من مقالة، اذكر المصدر وحط لينك المقالة.
- مينفعش تنشر المحتوى كله أو جزء كبير منه على إنه بتاعك، ولا تبيعه.
استخدام الموقع
استخدم الموقع والفورمز بشكل طبيعي. مينفعش تبعت بيانات حد تاني من غير إذنه، ولا تحاول توقّف الموقع أو تخترقه أو تسحب محتواه بطريقة تضغط عليه.
المحتوى تعليمي
كل اللي على الموقع للتعليم. بنحاول يكون صح ومحدّث، بس الأدوات بتتغير بسرعة، ومش بنضمن نتيجة معينة من تطبيقه.
الأدوات اللي بنشرحها، زي n8n وOpenAI وGoogle، خدمات خارجية ليها شروطها وأسعارها، وإنت المسؤول عن حساباتك عليها وعن تكلفة استخدامها.
لينكات لمواقع تانية
الموقع فيه لينكات لـ Udemy وYouTube وواتساب والسوشيال ميديا. المواقع دي مش تبعنا، ولكل واحد فيها شروطه وسياسة الخصوصية بتاعته.
تعديل الشروط
ممكن نعدّل الشروط دي، وتاريخ آخر تحديث بيبقى مكتوب فوق. استخدامك للموقع بعد التعديل يعني إنك موافق على الشروط الجديدة.
تواصل معانا
لو عندك أي سؤال عن الشروط دي، ابعتلنا على admin@aimentor.pro أو من صفحة «تواصل معانا».