سياسة الخصوصية

آخر تحديث:

الصفحة دي بتشرح البيانات اللي بنجمعها لما تستخدم aimentor.pro، وبنستخدمها في إيه، وحقوقك فيها، والكوكيز اللي الموقع بيستخدمها.

البيانات اللي بنجمعها

بنجمع البيانات اللي إنت بتكتبها في الفورمز بس:

  • الاسم والإيميل ورقم الموبايل (في فورم التواصل الموبايل اختياري).
  • الرسالة، لو بعتّ من صفحة «تواصل معانا».
  • الكورس اللي طلبته، واختيارك لو عايز تعرف بالكورسات الجديدة.

ومع الطلب بيتسجّل: الصفحة اللي بعتّ منها، وأول صفحة دخلت عليها في الزيارة، وبيانات الحملة اللي جيت منها لو موجودة في اللينك (زي utm_source وgclid).

بنستخدمها في إيه

  • نبعتلك لينك الكورس اللي طلبته على الإيميل، ومعاه الكوبون لو فيه.
  • نرد على رسالتك على الإيميل أو الواتساب.
  • نبعتلك الجديد (كورسات أو أقسام جديدة في المكتبة) لو إنت اخترت ده.
  • نعرف الناس بتوصلنا منين، علشان نحسّن المحتوى والإعلانات.

مش بنبيع بياناتك ولا بنأجّرها لحد.

بتتحفظ فين ومين بيشوفها

الطلبات بتتحفظ في نظام الأتمتة بتاعنا (n8n) على سيرفر خاص بينا، والإيميلات بتتبعت من admin@aimentor.pro. رسايل «تواصل معانا» بتوصل لمؤسس المنصة كتنبيه علشان يرد عليك. البيانات دي محدش بيشوفها غير فريق AI Mentor.

بنحتفظ بيها طول ما محتاجينها للأغراض اللي فوق، وتقدر تطلب مسحها في أي وقت.

حقوقك

  • تعرف إيه البيانات اللي عندنا عنك.
  • تصلّح أي بيانات غلط.
  • تطلب مسح بياناتك.
  • توقف أي إيميلات منّا في أي وقت.

ابعتلنا على admin@aimentor.pro أو كلّمنا على واتساب، وهنرد عليك.

الكوكيز

الكوكيز ملفات صغيرة الموقع بيحفظها في المتصفح. الموقع بيستخدم كوكيز من Google وMeta وMicrosoft عن طريق Google Tag Manager.

  • كوكيز Google Analytics وGoogle Ads: بنستخدمها علشان نعرف عدد الزيارات والصفحات اللي الناس بتقراها، والإعلانات اللي جابت زوار أو طلبات.
  • كوكيز Meta Pixel: علشان نقيس إعلاناتنا على فيسبوك وإنستجرام ونعرضها للناس اللي ممكن تهمهم.
  • كوكيز Microsoft Clarity: بتسجّل الضغطات والسكرول وحركة الماوس في الصفحة، علشان نفهم الناس بتستخدم الموقع إزاي ونحسّنه.

ومن غير كوكيز: الموقع بيفتكر أول صفحة دخلت عليها وبيانات الحملة طول الزيارة بس (في sessionStorage)، علشان تتبعت مع الطلب لو بعتّ فورم، وبتتمسح لما تقفل التاب.

لو مش عايز الكوكيز دي، تقدر تمسحها أو تمنعها من إعدادات المتصفح، أو تستخدم إضافة Google لإيقاف Google Analytics. وإعلانات Meta تقدر تتحكم فيها من إعدادات الإعلانات في حسابك على فيسبوك أو إنستجرام.

خدمات خارجية

الكورسات على Udemy، والفيديوهات على YouTube (الموقع بيوديك على YouTube ومش بيشغّل الفيديو جوّه الصفحة)، والتواصل كمان على واتساب. لما تفتح أي واحدة منهم، بتنطبق عليك سياسة الخصوصية بتاعتها.

تعديل السياسة

ممكن نعدّل السياسة دي لما الموقع يتغير، وتاريخ آخر تحديث بيبقى مكتوب فوق.